Juristar sin rett til å bli oppført i juristregisteret

Juristar som yter rettshjelp i næringsverksemd og som har stilt sikkerhet og betalt bidrag til Advokattilsynet, har rett til å bli oppført i juristregisteret, jf. advokatforskriften § 60 andre ledd.

Juristar som yter rettshjelp i næringsverksemd har likevel ingen plikt til å stille sikkerhet, jf. advokatforskriften § 60 andre ledd og § 58 første ledd. 

Dersom du ønskjer å bli oppført i juristregisteret, må det sendast ei melding om dette til post@tilsynet.no.

Ved innsending av melding må du dokumentere at du har oppnådd graden cand. jur. eller master i rettsvitskap. Dette gjerast ved å sende oss ei lenkje til Vitnemålsportalen. I tillegg må det godtgjerast at sikkerhet vil bli stilt, jf. advokatloven § 68 første ledd og advokatforskriften § 58. 

Etter at vi har motteke erklæring om sikkerhet direkte frå forsikringsselskapet ditt og kontrollert vitnemålet, vil du motta faktura for betaling av lovpålagt årleg bidrag på kr. 800,- (2025). Når betalinga er motteken, vil du bli oppført i juristregisteret. Du vil få melding når du er oppført. Juristar som er oppførte i registeret, vil årleg bli avkravd eit bidrag av Advokattilsynet, som skal betalast innan 30. april, jf. advokatloven § 68 andre ledd og advokatforskriften § 59. Dette gjeld ikkje dersom du allereie har betalt det årlege bidraget ved oppføringa i registeret.

Dersom du ikkje lenger ønskjer å stå oppført i registeret, eller ikkje oppfyller vilkåra, skal Advokattilsynet varslast.

Juristar som berre arbeider i advokatføretak, har ikkje rett til å bli oppførte i juristregisteret, jf. advokatloven § 20 tredje ledd og advokatforskriften § 60 andre ledd. Ein advokat eller advokatfullmektig har ikkje høve til òg å stå oppført som jurist i juristregisteret.

Det blir elles vist til advokatloven §§ 66-71 og advokatforskriften kapittel 11.

Juristar har ikkje adgang til å motta og behandle klientmidlar.